2006-11-17:

მაგთიკომი უკვე ფლობდა მესამე თაობის ლიცენზიას და მომხმარებლისთვის კომერციული სერვისების შეთავაზება 2006 წლის 2 ივნისიდან დაიწყო. ახალი ლიცენზია კი განკუთვნილია განსხვავებული სიხშირული სპექტრისათვის, რომელიც მაგთიკომს მისი სერვისების გაფართოების საშუალებას მისცემს.

"მაგთიკომი საქართველოს მობილური ტელეკომუნიკაციების ლიდერია. ამ პოზიციის შესანარჩუნებლად, ჩვენ შევიძინეთ ეს სპექტრი, რაც საშუალებას მოგვცემს, გავზარდოთ შესაძლებლობები და დაფარვის ზონა ჩვენი მომხმარებლისათვის. მაგთიკომმა, 2005 - 2006 წლების განმავლობაში მნიშვნელოვანი ინვესტიციები ჩადო ინფრასტრუქტურის განვითარებაში და გააგრძელებს ინვესტირებას საქართველოში ლიდერობის შესაძლებლობების გაზრდისათვის", ამბობს მაგთიკომის გენერალური დირექტორი, დევიდ ლი.